Ինդոնեզիայի իշխանությունները մտածում են մայրաքաղաքը Ջակարտայից տեղափոխելու մասին: Այս մասին հայտնում է Reuters գործակալությունը` հղում անելով ազգային զարգացման պլանավորման նախարար Բամբանգ Բրոջոներոյին:
«Նախագահը [Ջոկո Վիդոդո] որոշել է տեղափոխել մայրաքաղաքը Ճավա կղզու սահմաններից դուրս, և դա շատ կարևոր որոշում է», - ընդգծել է պաշտոնյան: Նա նաև հավելել է, որ ղեկավարությունը դեռ չի ընտրել նոր վայր մայրաքաղաքի համար:
Նախարարի խոսքերով` մայրաքաղաքի տեղափոխման գործընթացը կարող է տևել մինչև 10 տարի:
Պաշտոնապես Ջակարտան մայրաքաղաքի կարգավիճակ ունեցող նահանգ է: