Գուցե կան այդպիսի գործիչներ և այդպիսի ուժեր, մենք պարտավոր ենք բացահայտել այդ մարդկանց։ Այդ մասին այսօր՝ մայիսի 20-ին, լրագրողների հետ զրույցում ասել է Արցախի նախագահ Բակո Սահակյանը՝ մեկնաբանելով վարչապետ Նիկոլ Փաշինյանի հայտարարությունը, ըստ որի, նա տեսնում է ընդհուպ դավադիր պատերազմ հրահրելու, անգամ որոշ տարածքներ հանձնելու և տեղի ունեցածի պատասխանատվությունը Հայաստանի կառավարության վրա դնելու հեռահար նպատակ: Այս մասին հայտնում է News.am-ը:
«Գուցե կան այդպիսի գործիչներ և այդպիսի ուժեր, մենք պարտավոր ենք բացահայտել այդ մարդկանց։ Եվ, եթե կան այդպիսի նպատակներ, բնականաբար, ես էլ եմ դա որակում որպես դավաճանություն, հետևաբար... Ես չունեմ այդպիսի տեղեկություններ, որ կան այդպիսի ուժեր, կան այդպիսի գործիչներ, ովքեր նախապատրաստվում են այդպիսի դավաճանական գործողությունների», - ասել է Սահակյանը։