Եվրոպայի մի շարք երկրներում մայիսի 23-ին սկսվում են Եվրախորհրդարանի ընտրությունները, տեղեկացնում Է «Արմենպրես»-ը:
Մայիսի 23-ին ընտրատեղամասերը բացվում են Մեծ Բրիտանիայում և Նիդեռլանդներում: Մայիսի 24-ին քվեարկության ձեռնամուխ կլինեն Իռլանդիայի և Չեխիայի, իսկ մայիսի 25-ին՝ Լատվիայի, Մալթայի և Սլովակիայի բնակիչները: Եվրամիության մնացած երկրներում ընտրությունները տեղի կունենան մայիսի 26-ին:
Ընդհանուր առմամբ 2019 թվականի եվրոպական ընտրություններին կմասնակցեն 28 երկրների, այդ թվում՝ Մեծ Բրիտանիայի քաղաքացիները, որը տակավին չի համաձայնեցրել Եվրամիությունից իր դուրս գալու գործընթացը:
Եվրամիության երկրներում կա 426 միլիոն ընտրող, որոնք իրավունք ունեն մասնակցելու այդ ընտրություններին: