ԱՄՆ Կոնգրեսը հաստատել է փոփոխությունը, որով առաջարկվում է 1.5 մլն դոլարի չափով օգնություն տրամադրել Արցախում ականազերծման ծրագրին և վերականգնման ծառայություններին: Այս մասին տեղեկացնում է Հայ դատի հանձնախումբը (ANCA):
2020 թ. ֆիսկալ տարվա արտասահմանյան օգնության մասին օրինագծի փոփոխությունը ներկայացրել է Թիջեյ Քոքսը:
ANCA-ի նախագահ Րաֆֆի Ամբարյանը նշել է, որ Կոնգրեսում առաջին օրվանից Թիջեյ Քոքսը զբաղվում է Կալիֆոռնիայի հովտի հայ համայնքի համար կարևոր հարցերով:
«Իմ կողմից ներկայացրած փոփոխությունը կապահովի Լեռնային Ղարաբաղքում ականազերծման և վերականգնման ծրագրերի շարունակական ֆինանսավորումը: Ես լի եմ վճռականությամբ աշխատելու Կոնգրեսի Հայկական հարցերով հանձնաժողովի իմ գործընկերների, Ամերիկայի Հայ Դատի հանձնախմբի և HALO Trust-ի հետ` ապահովելու Լեռնային Ղարաբաղում համայնքների վերականգնումը և որպեսզի առաջիկայում տարածաշրջանը ազատ լինի ականներից», - ասել է Քոքսը: