Ֆրանսիայի Ազգային տոնին՝ Բաստիլի գրավմանը նվիրված զինվորական շքերթից հետո Փարիզում ոստիկանության հետ սկսված ընդհարումները տեղափոխվել են Ելիսեյան դաշտեր, «ՌԻԱ-Նովոստի»-ի թղթակիցը հաղորդում է դեպքերի վայրից։
Ցուցարարները Ֆրանսիայի մայրաքաղաքի գլխավոր փողոց են բերում երկաթե փակոցներ, որոնք մայթերին են մնացել առավոտվանից։ Ոստիկանության հատուկ նշանակության ծառայողները փորձում են հանել փակոցները։
BFMTV հեռուստաալիքի տեղեկատվության համաձայն, ոստիկանության տվյալներով՝ հուլիսի 14-ի առաջին կեսին ձերբակալվել է արդեն 152 մարդ։