Կորեացիները հիմնականում պատրաստում են բրինձ, ապուրներ, խորտիկներ։ Կորեական խոհանոցում համեմունքներից հիմնականում օգտագործում են կարմիր պղպեղ, այդ պատճառով էլ շատ կորեական ուտեստներ ունեն կարմրանարնջագույն երանգ: Պղպեղի շատ օգտագործելը պայմանավորված է նրանով, որ Կորեան՝ հատկապես հարավային, ունի շատ տաք և խոնավ կլիմա, իսկ պղպեղը օգնում է մթերքը երկար պահպանել: Կորեացիները պղպեղն սկսել են օգտագործել 16-րդ դարից, երբ այն առաջին անգամ Հարավային Ամերիկայից բերեցին պորտուգալացիները: Այդ ժամանակ էլ ձևավորվեց կորեական ավանդական ճաշատեսակների պատրաստման եղանակը: Կծու ուտեստները շատ բարձր էին գնահատվում, իսկ «համեղ» և «կծու» բառերը կորեերենում դարձել են հոմանիշներ:
Ընդհանուր առմամբ խոհանոցում համեմունքներ քիչ կան, դրանց փոխարեն օգտագործում են սոխ և պղպեղ, բայց դրանք օգտագործվում են տարբեր համամասնություններով և համադրւթյուններով։ Կորեական երեք հիմնական համեմունքներն են սոյայի սուսը, կոչհուջանը և տվանջանը: Կորեական թագավորական խոհանոցը տարբերվում է սովորական մարդկանց և ներգաղթածների խոհանոցից: Կորեական խոհանոցում շատ ընդհանուր բաներ կան մյուս երկու՝ կարևորագույն արևելյան խոհանոցների՝ Չինաստանի և Ճապոնիայի հետ: Ինչպես չինացիները, կորեացիները ևս սիրում և հաճույքով ուտում են խոզի միս, և, ինչպես ճապոնացիները, օգտագործում են շատ ձուկ՝ պատրաստված պանրով կամ առանց եփել:
Առաջարկում ենք պատրաստել Կորեական աղցան՝ վարունգով:
Անհրաժեշտ է՝
վարունգ - 1 կգ
սոյայի սոուս - 2 ճ/գ
բուսայուղ - 2 ճ/գ
քացախ - 1 ճ/գ
սխտոր - 3 ատամիկ
քունջութ - 1 ճ/գ
աղացած սև և կարմիր պղպեղ - 1 պտղունց
Պատրաստման եղանակ
Վարունգը լավ լվանում ենք ու կեղևահանում: Կտրտում ենք ձողիկաձև, աղ անում ու խառնում: Թողնում ենք 20 րոպե մնա և հյութ հավաքվի:
Վարունգի հյութը թափում ենք, ավելացնում քացախ, սոյայի սոուս և պղպեղ:
Ձեթը տաքացնում ենք, լցնում քունջութը և մի քանի րոպե տապակում:
Վարունգին ավելացնում ենք ձեթն ու քունջութը և ճզմած սխտորը: Լավ խառնում ենք ու 2 օր պահում սառնարանում:
Բարի ախորժակ: