ԱՄՆ-ի պաշտպանության նախարարությունը թուրքական մի շարք ընկերությունների հետ կնքել է Ինջիրլիքի ավիաբազայում (Ադանայի նահանգ, Թուրքիա) մինչև 2024 թվականի վերջն 95 միլիոն դոլար ընդհանուր գումարի շինարարական աշխատանքների կատարման պայմանագիր: Այդ մասին հայտնում է Պենտագոնի մամուլի ծառայությունը:
Ինջիրլիքի ավիաբազայում ներկայում տեղակայված է ԱՄՆ-ի ռազմաօդային ուժերի 39-րդ ավիացիոն թևը:
Թուրքիայի նախագահ Թայիփ Էրդողանն ավելի վաղ հայտարարել էր, որ իր երկիրը կարող է Ինջիրլիքի ավիաբազան փակել ԱՄՆ-ի համար, եթե Վաշինգտոնը որոշի պատժամիջոցներ սահմանել Անկարայի նկատմամբ ռուսական Ս-400 զենիթահրթիռային համակարգերի ձեռքբերման պատճառով: