Շվեյցարիայում թողարկել են աշխարհում ամենափոքր ոսկեդրամը՝ երեք միլիմետրից պակաս տրամագծով, դրա վրա պատկերված է Նոբելյան մրցանակի դափնեկիր Ալբերտ Էյնշտեյնը՝ լեզուն հանած: Այդ մասին հունվարի 23-ին հայտնել է Associated Press գործակալությունը:
Շվեյցարիայի դրամահատարանը (Swissmint) նշել է, որ ոսկեդրամի տրամագիծը 2,96 միլիմետր է, քաշը՝ 0,063 գրամ, արժողությունը՝ մեկ քառորդ շվեյցարական ֆրանկ (0,26 դոլար):
Թողարկվել է ընդամենը 999 այդպիսի մետաղադրամ, դրանք կվաճառվեն 199 շվեյցարական ֆրանկով (մոտավորապես 185 եվրոյով)՝ հատուկ խոշորացնող ապակիով, որը թույլ կտա տեսնել էյնշտեյնի դեմքը, հաղորդել է «Ինտերֆաքս»-ը: