Վրաստանի ներքին գործերի նախարար Վախթանգ Գոմելաուրին ղեկավարելու է երկրի Ազգային անվտանգության խորհուրդը: Այդ մասին վարչապետ Գեորգի Գախարիան փետրվարի 19-ին հայտարարել է կառավարության նիստում:
«Դուք գիտեք, որ Անվտանգության խորհուրդը շատ կարևոր մարմին է, հատկապես այսօր, այն պետք է աշխատի ու գործի արդյունավետորեն: Ելնելով ստեղծված իրադրությունից՝ մենք ձեզ ենք ներկայացնում Անվտանգության խորհրդի նոր քարտուղարին՝ ներքին գործերի նախարար Վախթանգ Գոմելաուրին: Ես շնորհավորում եմ պարոն Վախթանգին այդ կարևոր ու պատասխանատու պաշտոնին նշանակվելու կապակցությամբ, իհարկե, համատեղությամբ: Դա նշանակում է, որ նրա գործառույթները կուժեղացվեն ու կրկնապատկվեն»,-հայտարարել է Գախարիան:
Մինչև վերջերս Անվտանգության խորհուրդը գլխավորում էր Լևան Իզորիան, ով այնուհետև նշանակվել է Գերմանիայում Վրաստանի արտակարգ և լիազոր դեսպան: