Կորոնավիրուսով վարակված ծայրահեղ ծանր վիճակում գտնվող քաղաքացիներից մեկն ԱՄՆ քաղաքացի է, կառավարության այսօրվա նիստին ասաց ՀՀ վարչապետ Նիկոլ Փաշինյանը, փոխանցում է Aysor.am-ը:
Նա ասաց, որ ծայրահեղ ծանր վիճակում գտնվող մյուս պացիենտը ՀՀ քաղաքացի է։
Վարչապետի խոսքով՝ սպասում են, որ այսօր էլի դուրսգրվողներ կլինեն։
Այս պահի դրությամբ, վարչապետի խոսքով, Հայաստանում կորոնավիրուսի տարածման սցենարը վատագույն սցենարով չէ, այլ լավագույն սցենարներին մոտ է։
Նշենք, որ այս պահի դրությամբ ՀՀ֊ում կորոնավիրուսով վարակվածների թիվը 290 է։