Սաուդյան Արաբիայի սուվերեն հիմնադրամը (Հանրային ներդրումների հիմնադրամ, PIF) սկսել է գնել եվրոպական նավթագազային ընկերությունների բաժնետոմսերի փաթեթները: Այս մասին գրում է The Wall Street Journal-ը՝ սեփական աղբյուրներին հղումով:
Պարբերականի տվյալների համաձայն, Սաուդյան Արաբիան վերջին շաբաթների ընթացքում բաժնետոմսեր է ձեռք բերել եվրոպական չորս ընկերություններում, որոնց ընդհանուր գումարը կազմում է մոտ 1 միլիարդ դոլար:
Ինչպես նշվում է, սաուդյան ֆոնդը սկսել է բաժնետոմսեր ձեռք բերել նավթի գների անկման և կորոնավիրուսի համավարակի պատճառով դրանց գների անկումից հետո:
Շուկայում տատանումները սկսվել են մարտի 6-ին, երբ ՕՊԵԿ + ժողովի մասնակիցները չկարողացան որոշում ընդունել: Ռուսաստանը չաջակցեց 2020-ի երկրորդ եռամսյակում նավթի արդյունահանումը 1.5 միլիոն բ / վ-ի հետագա կրճատման առաջարկությունը: Գործարքի ձախողումից հետո նավթի գները նվազել են 30 տոկոսով: