Թուրք-ադրբեջանական զորավարժություններն ուժի ցուցադրում են, անկասկած, հեռուստաընկերությունների լրագրողների հետ այսօր տեղի ունեցած հանդիպմանն ասել է ՀՀ երկրորդ նախագահ Ռոբերտ Քոչարյանը, փոխանցում է Aysor.am-ը:
«Անկասկած, զգուշացում է, որ կարող է լինել նաև այսպիսի զարգացում», - ասել է Ռոբերտ Քոչարյանը՝ պատասխանելով դիտարկմանը, թե կա կարծիք, որ այդ զորավարժությունները Հայաստան ներխուժման փորձ են լինելու։
«Նման կարգի մասշտաբային զորավարժությունները ոչ միայն զորավարժություններ են, այլև լուրջ քաղաքական ազդակ են տարածաշրջանի բոլոր երկրների համար։ Չեմ կարծում, որ դա կարող է վերածվի ներխուժման, բայց հանգամանքը, որ քեզ ուղղակի ասում են՝ սա հնարավոր սցենար է, այո, այդպես է», - ասել է Ռոբերտ Քոչարյանը։