Վրաստանը մտահոգված է Ադրբեջանի և Հայաստանի ռազմական բախումներով, ինչը հանգեցրել է մարդկային զոհերի: Այս մասին, ինչպես փոխանցում է aysor.am-ը, ասվում է Վրաստանի ԱԳՆ հայտարարության մեջ:
Նշվում է, որ Վրաստանը հույս ունի, որ կողմերի միջև հրադադարի մասին համաձայնություն ձեռք կբերվի.
«Հուսով ենք, որ կողմերը կվերադառնան բանակցություններին և զերծ կմնան լայնածավալ ռազմական գործողություններից, որոնք կվտանգեն ամբողջ տարածաշրջանի անվտանգությունը»:
Վրաստանի արտգործնախարարությունը կոչ է արել ԵԱՀԿ Մինսկի խմբին և միջազգային կազմակերպություններին գործադրել բոլոր ջանքերը՝ կասեցնելու էսկալացիան և կառուցողական երկխոսություն հաստատելու համար.
«Վրաստանը պատրաստ է աջակցել տարածաշրջանում ապաէսկալացիային և խաղաղությանը»: