ՀՀ ազգային ժողովի նախագահ Արարատ Միրզոյանը վերադարձել է աշխատանքի, սակայն ոչ ամբողջական գրաֆիկով: «Արմենպրես»-ի հետ զրույցում այս մասին հայտնել է ԱԺ նախագահի խորհրդական Վահան Կոստանյանը:
«Վերադարձել է՝ ոչ ամբողջական գրաֆիկով, քանի որ դեռևս առողջական որոշակի խնդիրներ կան»,-ասել է նա ու հավելել, որ Միրզոյանն այսօր՝ դեկտեմբերի 1-ին եղել է խորհրդարանում:
Կոստանյանի խոսքով՝ ԱԺ նախագահի առողջական վիճակn, ընդհանուր առմամբ, լավ է, սակայն որոշակի խնդիրներ դեռևս կան, գտնվում է վերականգնման փուլում: