Կառավարության որոշմամբ փոփոխություններ են իրականացվում Հայաստանում հայտարարված ռազմական դրության որոշման մեջ՝ չեղարկվում են հավաքների, գործադուլների արգելքները, հրապարակումների, ՀՀ մուտքի և ելքի սահմանափակումները։
Որոշման մեջ, մասնավորապես, ասվում է․
«Հիմք ընդունելով «Ռազմական դրության իրավական ռեժիմի մասին» օրենքի 17-րդ հոդվածի 1-ին մասը և «Նորմատիվ իրավական ակտերի մասին» օրենքի 34-րդ հոդվածը՝ Հայաստանի Հանրապետության կառավարությունը որոշում է․
1. Հայաստանի Հանրապետության կառավարության 2020 թվականի սեպտեմբերի 27-ի «Հայաստանի Հանրապետությունում ռազմական դրություն հայտարարելու մասին» N 1586-Ն որոշման հավելվածի 3-րդ, 4-րդ գլուխները, ինչպես նաև 15-րդ կետն ուժը կորցրած ճանաչել:
2. Սույն որոշումն ուժի մեջ է մտնում հրապարակվելուց հետո` անմիջապես»: