4,7 մագնիտուդով երկրաշարժ է տեղի ունեցել Թուրքիայի արևելքում: Այդ մասին հաղորդել է Եվրոպայի միջերկրածովյան սեյսմոլոգիական կենտրոնը (EMSC):
Ստորգետնյա ցնցումները գրանցվել են տեղական ժամանակով 00:58-ին (Երևանի ժամանակով 01:58): Էպիկենտրոնը գտնվում է Վան քաղաքից 46 կիլոմետր դեպի հյուսիս: Օջախն եղել է ինը կիլոմետր խորության վրա:
Հնարավոր տուժածների և ավերածությունների մասին տեղեկատվություն չի ստացվել։