Ռազմագերիների վերադարձի հարցը լուծել չի հաջողվել, հայտարարել է ՀՀ վարչապետ Նիկոլ Փաշինյանը Մոսկվայում Ռուսաստանի և Ադրբեջանի նախագահների հետ բանակցություններից հետո կայացած ճեպազրույցում, փոխանցում է Aysor.am-ը:
«Ցավոք, այսօր մենք չկարողացանք լուծել ռազմագերիների հարցը: Սա ամենազգայուն և ցավոտ հարցն է: Մենք պայմանավորվել ենք, որ շարունակելու ենք աշխատել այս ուղղությամբ», - ասել է Փաշինյանը:
Նա նշել է, որ նոյեմբերի 9-ին ընդունված համատեղ հայտարարության 8-րդ կետն ամբողջությամբ չի կատարվում:
«Հուսով եմ, որ մենք կկարողանանք կարճ ժամկետում հստակ որոշման հասնել», - ասել է Փաշինյանը: