Եղանակի պատճառով Արցախի փրկարարական ջոկատներն այսօր որոնողական աշխատանքներ չեն իրականացնի. ԱԻՊԾ
Եղանակների պատճառով այսօր ևս դադարեցվել են փրկարար ջոկատների որոնողական աշխատանքները: Այս մասին, ինչպես տեղեկացնում է aysor.am-ը, տեղեկացնում է Արցախի ՆԳ ԱԻՊԾ մամուլի խոսնակ Հունան Թադևոսյանը։
Հրադադարից հետո Արցախի վերահսկողությունից դուրս գտնվող բոլոր բնակավայրերում և դիրքային հատվածներում փրկարարներն իրականացրել և շարունակում են կատարել փրկարար-որոնողական աշխատանքներ:
Անցած ամիսների ընթացքում որոնումները մի քանի անգամ դադարեցվել են հրադադարի ռեժիմի խախտման, ադրբեջանական կողմում տեղի ունեցած ականի պայթյունի և եղանակների պատճառով:
2020 թվականի նոյեմբերի 13-ից առ այսօր որոնումների ընթացքում հայտնաբերված և ադրբեջանցիների կողմից հայկական կողմին փոխանցված աճյունների ընդհանուր թիվը 1485 է: