ԱՄՆ-ն խոչընդոտում է «3+3» նախաձեռնության իրականացմանը։ Այս մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան, հաղորդում է News.am-ը։
Նա հիշեցրել է, որ նախաձեռնությունն առաջարկել էին Ադրբեջանն ու Թուրքիան։ «Ռուսաստանն աջակցել է այդ նախաձեռնությանը։ Մենք ելնում ենք նրանից, որ տարածաշրջանային բազմակողմ համագործակցության զարգացումը հստակ պատասխանում է տվյալ ձեւաչափի բոլոր առաջարկվող մասնակիցների շահերին։ Մեր կարծիքով՝ այդ մեխանիզմի թողարկումը կնպաստի միջպետական հարաբերություններում վստահության բարձրացմանը, հակասությունների կարգավորմանն ու տարածաշրջանի տնտեսական, տրանսպորտային, մարդասիրական պոտենցիալի բացահայտմանը։ Մենք տեսնում ենք մի շարք արեւմտյան պետությունների, առաջին հերթին՝ ԱՄՆ-ի, ձգտումը խոչընդոտել որոշ գործընթացների»,-ասել է Զախարովան։