ՀՀ նախկին վարչապետ, ընդդիմադիր «Հայրենիքի փրկության շարժման» առաջնորդ Վազգեն Մանուկյանն այսօր լրագրողների հետ զրույցում ասել է, թե ողջունում է ընդդիմադիրների շարժումը, հաղորդում է Այսօր-ը:
Նրա խոսքով՝ պետք է հստակ խնդիր դնել ու ծրագիր ունենալ:
«Պետք է նաև ղեկավար մարմին լինի, թե չէ քաոսային շարժում է», - ասել է նա։ Մանուկյանը նշել է, թե փողոց դուրս գալու իր նախկին հայտարարություններն ուժի մեջ են։
«Առանց փողոցի Ազգային ժողովը որևիցե հարց լուծել չի կարող։ Ազգային ժողովը կարող է հարցը ներկայացնել միջազգային հանրությանը։ Երբ փողոցը հարցերը դե ֆակտո բերի իշխանության, ԱԺ-ն կարող է դա ձևակերպել, բայց ԱԺ-ն չի կարող խնդիրները լուծել։ Ազգային ժողովում բանավեճերից օգուտ չկա, հարցը լուծելու է փողոցը», - ասել է Մանուկյանը։