ԵՐԵՎԱՆ 0 C°
ՀՀ ԿԲ -
  • USD - 396.02 դրամ +0,02 EUR - 431.27 դրամ +0,27 RUB - 5.71 դրամ +0,71 GBP - 490.04 դրամ +0,04
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

ՆԱՏՕ-ի ընդլայնումը նախադրյալներ է ստեղծում աշխարհում լարվածության աճի համար. Ստանիսլավ Զաս

© Russian Foreign Ministry/TASS

ՆԱՏՕ-ի ընդլայնումը կհանգեցնի աճող լարվածության և չի նպաստի Հյուսիսատլանտյան դաշինքի անդամ երկրների անվտանգության ամրապնդմանը։ Այս մասին կիրակի օրը «Беларусь - 1» հեռուստաալիքի եթերում հայտարարել է Հավաքական անվտանգության պայմանագրի կազմակերպության (ՀԱՊԿ) գլխավոր քարտուղար Ստանիսլավ Զասը, հաղորդում է ՏԱՍՍ-ը:

«Իհարկե, մենք այս ընդլայնումն ընկալում ենք որպես լարվածության աճի և տարածաշրջանի հետագա ռազմականացման նախապայման։ Սա իրականում չի ծառայում անվտանգության ամրապնդմանը, այդ թվում՝ ՆԱՏՕ-ի անդամ երկրների համար»,- ասել է Զասը։

Զասի կարծիքով՝ ՀԱՊԿ-ն ի վիճակի է համարժեք արձագանքել ՆԱՏՕ-ի հնարավոր ընդլայնմանը։

«Այս իրավիճակում պետք է ուժեղացնե՞նք մեր ուժային ներուժը։ Մենք ունենք բավարար ուժեր և միջոցներ՝ արձագանքելու հնարավոր սպառնալիքներին, որոնք իրականում կդրսևորվեն այս իրավիճակում։ Ներկայումս (ուժերի և միջոցների ավելացման հարցը-նշում է ՏԱՍՍ-ը) օրակարգում չկա»,- ասել է կազմակերպության գլխավոր քարտուղարը։

Նրա խոսքով, «ներկայումս ՀԱՊԿ-ը բավականին արդյունավետ, կայացած միջազգային կազմակերպություն է»։

«Այսինքն՝ այն ոչ միայն ռազմաքաղաքական դաշինք է, այլ նաև բազմաֆունկցիոնալ կազմակերպություն, որը պաշտպանում է այլ սպառնալիքներից։ Եվ ինչը նույնպես շատ կարևոր է, մենք ստեղծել ենք ուժեղ մեխանիզմներ և իրավական դաշտ, ունենք ուժեր և միջոցներ, և, ի թիվս այլ բաների, կարգաբերվել է ճգնաժամային արձագանքման համակարգը», - ասել է Զասը: 

In English На русском

Ամենաընթերցվածը

օրվա

շաբաթվա

ամսվա

    Եղանակ
    Երևան

    Խոնավություն՝ %
    Քամի՝ կմ/ժ
    0 C°
     
    0°  0° 
    24.11.2024
    0°  0° 
    25.11.2024
    Հարցում

    Ի՞նչ եք կարծում՝ մե՞ծ է արդյոք ռազմական գործողություններին Իրանի մասնակցության հավանականությունը: