Մեզ ինչի՞ն է պետք այսպիսի աշխարհ, եթե այնտեղ Արցախ չկա. Դավիթ Բաբայան

Մենք ունենք հստակ ձևակերպված կարմիր գիծ, որի մասին անընդհատ խոսում ենք։ Այդ կարմիր գիծը համընդհանուր է, ոչ միայն իշխանությանն է, այլև ամբողջ հանրության ընդհանուր կամքն է, նաև ամբողջ հայության։ Այդ կարմիր գիծը հետևյալն է՝ Արցախը չի կարող լինել Ադրբեջանի կազմում, դա բացառված է:

Եթե որևէ մեկը վաղը ասի, որ դուք պետք է Ադրբեջանի կազմում լինեք, ելքը երկուսն է՝ կամ պատերազմ, կոտորած կամ հայաթափում, օրինակ կարող է այնպես լինել, որ կանայք և երեխաները դուրս գան, իսկ տղամարդիկ պայքարեն մինչև մահ, սա էլ է տարբերակ, բայց մենք չենք լինելու այդ երկրի կազմում, որովհետև դա մահ է, կործանում՝ ոչ միայն Արցախի, այլև Հայաստանի»։