Մխիթարյանն ահազանգում է. Արցախում 30 հազար երեխա սովամահ լինելու վտանգի առաջ է

• 05.08.2023, 17:30
•  Աշխարհ,  Հայաստան,  ԼՂՀ

Հայաստանի ֆուտբոլի հավաքականի նախկին ավագ, Միլանի «Ինտեր» ֆուտբոլային ակումբի խաղացող Հենրիխ Մխիթարյանն իր ֆեյսբուքյան էջում հրապարակել է արցախցի լուսանկարիչ Դավիթ Ղահրամյանի աշխատանքն ու գրել.

«Ավելի քան 30 հազար երեխաներ ու նրանց ընտանիքներ Լեռնային Ղարաբաղում ութ ամիս վերապրել են ամիս շրջափակում և ավերածություններ։ Փակված լինելով իրենց հայրենիքում՝ նրանք գտնվում են սովի ու հումանիտար աղետի շեմին՝ հասանելիություն չունենալով կենսական անհրաժեշտություն ունեցող  դեղամիջոցների, սննդամթերքի ու այլ կարևոր ապրանքների։

Սովամահ մարդկանց սրտաճմլիկ իրականությունն աղետ է, որը պահանջում է անհապաղ գործողություններ: Երեխաներին պետք է, որ վերջ տրվի  այս պատերազմին, որպեսզի սկսեն բուժվել և ապաքինվել:

Լաչինի միջանցքով պետք է ապահովվի մարդասիրական սկզբունքային և անարգել մուտքը։

Վերջ տալ Արցախի շրջափակմանը։
Բացել Լաչինի միջանցքը»,-գրել է նա, հայտնում է Panorama-ը։