Դատարանը 4 ամսով կալանավորել է Ռուբեն Վարդանյանին. նրան սպառնում է մինչև 14 տարվա ազատազրկում

• 28.09.2023, 12:32
•  Աշխարհ,  ԼՂՀ

Արցախի նախկին պետնախարար Ռուբեն Վարդանյանին Ադրբեջանում դատարանը կալանավորել է 4 ամսով: Այս մասին գրում է ՌԻԱ «Նովոստի»-ն:

Նշվում է, որ «ահաբեկչության ֆինանսավորման» հոդվածով Վարդանյանին սպառնում է մինչև 14 տարվա ազատազրկում:

Հիշեցնենք, որ Ադրբեջանի պետական անվտանգության ծառայությունը հայտնել է, որ Արցախի Հանրապետության նախկին պետնախարար Ռուբեն Վարդանյանը, որը երեկ Ադրբեջանի կողմից ձերբակալվել էր Արցախից Հայաստան տեղափոխվելու փորձի ժամանակ, մեղադրվում է  Ադրբեջանի քրեական օրենսգրքի երեք հոդվածով, փոխանցում է Tert.am-ը:

Նշվում է, որ ՀՀ քաղաքացի Ռուբեն Վարդանյանին մեղադրանք է առաջադրվել «ահաբեկչության ֆինանսավորման», «զինված խմբավորումների ստեղծմանը և գործունեությանը մասնակցելու», «պետական սահմանի ապօրինի հատման վերաբերյալ»: Դատարանի որոշմամբ նրա նկատմամբ խափանման միջոց է ընտրվել կալանավորումը։