ԵՐԵՎԱՆ 0 C°
ՀՀ ԿԲ -
  • USD - 396.02 դրամ +0,02 EUR - 431.27 դրամ +0,27 RUB - 5.71 դրամ +0,71 GBP - 490.04 դրամ +0,04
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

Ժամանակն է ճանաչել ԼՂՀ անկախությունը. Հայկ Խանումյան

twitter.com

Լեռնային Ղարաբաղի հանրապետության Ազգային Ժողովի պատգամավոր Հայկ Խանումյանն «Արմեդիա» ՏՎԳ հետ զրույցում Ղարաբաղում ներկայիս դրությունը բնութագրել է որպես ռազմական՝ իր բոլոր ատրիբուտներով: Անդրադառնալով առաջնագծից լուրերին պատգամավորը նշել է, որ «հյուսիսային հատվածում մերոնք դիրքերը վերականգնել են, հարավային հատվածում տեղայնացված մարտեր են տեղի ունենում, իսկ հրետանակոծությունն ընդհանուր առմամբ շարունակվում է»:

Չնայած նման դրությանը, Հայկ Խանումյանը արձանագրում է, որ Արցախում մարդիկ հանգիստ են: «Այնքան մեծ է տեղի բնակչության, հարևան մարզերից և Երևանից եկածների ցանկությունը մասնակցելու գործընթացին, որ այդ մեծ ակտիվությունն արդեն դառնում է խնդիր», - նշել է Խանումյանը:

Ինչ վերաբերում է ստեղծված իրավիճակում միջազգային հանրությունից ակնկալիքներին, ապա պատգամավորը կարծում է, որ ներկայիս իրավիճակում միջազգային հանրությունը միայն Լեռնային Ղարաբաղի Հանրապետության ճանաչումով կարող է ազդել կարգավորմանը: «Սա կլինի, թե՝ ոչ, կախված է մեր աշխատանքից և մասնավորապես Հայաստանի Հանրապետության դիրքորոշումից: Պետք է խոսել ոչ թե ռազմաքաղաքական դաշինքի մասին, այլ պաշտոնական ճանաչման մասին: Ժամանակն է, որ Հայաստանը ճանաչի Լեռնային Ղարաբաղի Հանրապետությունը և նոր գործընթացի հիմք դնի», - նշել է Խանումյանը:

In English На русском

այլ նյութեր այս թեմայով


Ամենաընթերցվածը

օրվա

շաբաթվա

ամսվա

    Եղանակ
    Երևան

    Խոնավություն՝ %
    Քամի՝ կմ/ժ
    0 C°
     
    0°  0° 
    24.12.2024
    0°  0° 
    25.12.2024
    Հարցում

    Ի՞նչ եք կարծում՝ մե՞ծ է արդյոք ռազմական գործողություններին Իրանի մասնակցության հավանականությունը: