Բարեգործական երեկո Վաշինգտոնում՝ ի նպաստ սիրիահայերի

• 14.06.2016, 12:34
•  Ամերիկա,  Սփյուռք

Վաշինգտոնի հայ համայնքը Սբ Մարիամ հայկական եկեղեցում բարեգործական երեկո էր կազմակերպել, որից ստացված ամբողջ հասույթը Դամասկոսում Սբ Սարգիս հայկական եկեղեցու միջոցով փոխանցվելու է տեղի հայ համայնքին:

Երեկոյի կազմակերպիչներից մեկի՝ Սիրիայում ծնված և ԱՄՆ-ում բնակվող Շողիկ Սահակյանի խոսքով, Սիրիայի տարածքում նոսրացող հայ համայնքը զգալի օգնության կարիք ունի:

Երեկոյի ընթացքում ԱՄՆ-ի մայրաքաղաքի հայ համայնքը կազմակերպել էր նաև բարեգործական խաղարկություն և համերգ, որի ընթացքում ներկաների առջև երգի կատարումներով հանդես եկավ Թուրքիայից մի քանի օրով Վաշինգտոն ժամանած երգիչ Բարտեր Գարյանը:

«Մենք օգնության համար է, որ աշխարհում ապրում ենք, և եթե ձեռք ձեռքի չբռնվենք, ոչ մի բան արժեք չունի», - ասել է Գարյանը, հաղորդում է Ամերիկայի Ձայնը:

Գարյանը տարիներ շարունակ տարածել է հայկական երգն ու երաժշտությունը Թուրքիայում, նրա խոսքով, Թուրքիայի հայ համայնքը դժվարությամբ, բայց շարունակում է պահպանել իր մշակութային ինքնությունը.

Շողիկ Սահակյանը, ով ծնունդով սիրիահայ է և ում բարեկամները մինչ օրս Դամասկոսում են բնակվում, պատմում է, որ չնայած դժվարություններին, Սիրիայի հայերից շատերը մինչև վերջին պահը չեն ցանկանում հեռանալ երկրից: