ՌԴ Զինված ուժերում անսպասելի ստուգումներ են սկսվել

• 14.06.2016, 13:08
•  ԵԱՏՄ,  Աշխարհ

http://ria.ru

ՌԴ նախագահ, Զինված ուժերի գերագույն գլխավոր հրամանատար Վլադիմիր Պուտինի հունիսի 14-ի կարգադրությամբ անսպասելի ստուգումներ են սկսվել երկրի Զինված ուժերում, որոնց ընթացքում պետք է գնահատվի բանակի զինանոցի վիճակն ու ռազմական կառավարման առանձին մարմինների պատրաստականությունը։ Այս մասին ասել է ՌԴ պաշտպանության նախարար Սերգեյ Շոյգուն, հաղորդում է РИА Новости-ն:

«Մարտական և մոբիլիզացիոն պատրաստականության ստուգման համար այսօր Զինված ուժերի գերագույն գլխավոր հրամանատարի կարգադրությամբ անսպասելի ստուգումներ են սկսվել։ Ստուգման ենթակա են զենքի և տեխնիկայի պահպանման մի շարք բազաներ, ինչպես նաև ռազմական կառավարման առանձին մարմիններ»,– նշել է Շոյգուն։