Էրդողան. Հոլանդիայում բոլորը նացիստների հետևորդներ են

• 11.03.2017, 21:41
•  Տարածաշրջան,  Աշխարհ

nashaplaneta.su

Թուրքիայի նախագահ Թայիփ Էրդողանը կտրուկ քննադատել է Նիդեռլանդների որոշումը՝ չթույլատրել ԱԳ նախարար Մեվլյութ Չավուշօղլուի օդանավի վայրէջքը, ու հասկացրել է, որ Անկարան հայելանման կպատասխանի այդ քայլին։ Այս մասին նա ասել է Ստամբուլում հանրահավաքի ժամանակ, փոխանցում է News.am-ը՝ հղում կատարելով ՏԱՍՍ-ին։

«ՏԵսնենք, Հոլանդիա, թե ինչպես են սրանից հետո ք ո օդանավերը ժամանելու Թուրքիա։ Ես խոսում եմ դիվանագետների մասին, այլ ոչ թե սովորական քաղաքացիների։ Նրանց ուղևորությունները առանձին թեմա է»,- ասել է նա։ Էրդողանը նշել է, որ Հաագայում «չգիտեն ոչ քաղաքականություն վարել, ոչ էլ միջազգային դիվանագիտություն»։

«Նրանք բոլորը նացիստների հետևորդներ են, ֆաշիստներ։ Թող Հոլանդիան իմանա, մեր քաղաքացիները որոնք ապրում են այնտեղ, կխափանեն նրա ծրագրերը ապրիլի 16-ին։ Որքան ուզում եք ձեր երկրում ահաբեկիչներ աճեցրեք ու կերակրեք։ Այդ ամենը ի վերջո հենց ձեզ կհարվածի»,- հայտնել է Թուրքիայի նախագահը։