Վիգեն Սարգսյանը խորհուրդ է տալիս Սուն Ցզի կարդալ Հայաստանի և Ադրբեջանի սպառազինության իրավիճակը հասկանալու համար

• 21.04.2017, 20:41
•  Ասիա,  Հայաստան

collectionbooks.com.ua

Հայաստանի պաշտպանության նախարար Վիգեն Սարգսյանը, մեկնաբանելով Հայաստանի և Ադրբեջանի միջև սպառազինության հավասարակշռության հետ կապված իրավիճակը, մեջբերել է չինացի ռազմական տեսաբան Սուն Ցզիի խոսքերը, փոխանցում է Սպուտնիկ Արմենիա-ն:

«Կարդացեք Սուն Ցզի, որն ասում էր`երբ քիչ է, ցույց տուր, թե շատ է, և հակառակը` երբ շատ է, ցույց տուր, որ քիչ է։ Եթե մենք նույնիսկ հավասարակշռել ենք և անցել հակառակորդին որևէ բանում, մեզ ձեռնտու չէ ցույց տալ, որ մենք նման միջոցներ ունենք»։

Նրա խոսքով` պաշտպանության նախարարությունը ժամանակ առ ժամանակ հասարակությանն է ներկայացնում որոշակի ռազմական ձեռքբերումներ, սակայն դա չի նշանակում, թե պետք է հայտարարագիր ներկայացնել յուրաքանչյուր գնման վերաբերյալ։