Մրոն և Մակիչը ելույթ են ունեցել Հալեպի Նոր Գյուղ թաղամասում (ԼՈՒՍԱՆԿԱՆԵՐ)

• 30.05.2017, 09:58
•  Աշխարհ,  Հայաստան,  Սփյուռք,  No-politics

6 տարվա պատերազմից հաղթանակած դուրս եկած Հալեպի Նոր Գյուղի պարտեզում մայիսի 27-ին ելույթ է ունեցել ՀՀ ժողովրդական երգիչ Արսեն Գրիգորյանը՝ Մրոն և արցախյան ազատամարտի մասնակից, ազգային երգեր կատարող Մկրտիչ Մկրտչյանը՝ Մակիչը: Ինչպես հայտնում է Հալեպի «Գանձասար» թերթի ֆեյսբուքյան էջը, այդ օրը կրկնակի տոն էր. հալեպահայերը նշում էին Հայաստանի Առաջին Հանրապետության 99-ամյակն ու Նոր Գյուղի ընտանեկան բարեգործական պարտեզի  բացումը:

Միջոցառմանը ներկա է եղել Հալեպում ՀՀ գլխավոր հյուպատոս Տիգրան Գևորգյանը, պատկան մարմինների ներկայացուցիչներ և շատ ուրիշներ:

«Մենք Հալեպ չենք եկել միայն երգելու համար, այլ մեր հայ ժողովրդի երախտագիտությունը հայտնելու հալեպահայությանը, որ չնայած պատերազմի արհավիրքներին, կարողացան պահել և պահպանել հայ համայնքը»,- իրենց խոսքերում նշել են երգիչները:

Տոնախմբություններին մասնակցել է նաև համազգայինի «Սարդարապատ» պարախումբը և հալեպահայ երգիչ Ճորճ Քալայճյանը։