Արաբական երկրները հրապարակել են Կատարի հանդեպ պահանջների նոր ցանկը

• 20.07.2017, 22:43
•  Մերձավոր Արևելք,  Աշխարհ

Gregor Fischer / dpa / Globallookpress.com

Արաբական Միացյալ Էմիրություններից, Սաուդյան Արաբիայից, Եգիպտոսից և Բահրեյնից դիվանագետները հայտարարել են, որ Կատարի շուրջ ստեղծված իրավիճակում յուրաքանչյուր միջնորդություն պետք է հիմնվի 6 պահանջից բաղկացած ցանկի վրա: 

Ցանկը հավանության են արժանացրել արաբական երկրների արտգործնախարարները Կահիրեում հուլիսի 5-ին կայացած հանդիպման ժամանակ:

Ցանկն ընդգրկում է «ծայրահեղականության և ահաբեկչության դեմ պայքարին նվիրված մնալու անհրաժեշտությունը, անհանդուրժողականության և բռնության կոչերից հրաժարվելը, Պարսից ծոցի արաբական պետությունների համագործակցության խորհրդի շրջանակներում 2013 և 2014 թվականների համաձայնագրերի և 2017 թվականի մայիսին Էր Ռիադում արաբա-ամերիկյան գագաթնաժողովի արդյունքների իրականացումը»: