ԵՐԵՎԱՆ 13 C°
ՀՀ ԿԲ -
  • USD - 396.02 դրամ +0,02 EUR - 431.27 դրամ +0,27 RUB - 5.71 դրամ +0,71 GBP - 490.04 դրամ +0,04
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

Անհավանական հայեր, կամ հայտնիներ, ովքեր չեն բարձրաձայնում իրենց հայկական ծագման մասին

Վերջին օրերին ակտիվորեն քննարկվում է «Ջորջիո Արմանի» նորաձևության տան հիմնադրի հայկական արմատները: Forbes-ը, մասնավորապես, իր հոդվածում հայտնել էր, որ Արմանիի հայրը՝ Ուգո Արմանին, Իտալիայում հաստատվել է փախչելով Օսմանյան կայսրությունում 1915 թվականի Հայոց ցեղասպանությունից: Շատերի համար սա անհավանական է թվում, քանի որ աշխարհահռչակ դիզայները երբևէ չի բարձրաձայնել այս մասին: Միգուցե պատճառն այն է, որ 83-ամյա Արմանին ինքնամփոփ է և շատ հազվադեպ է հարցազրույց տալիս, և նրա անձնական կյանքի մասին տեղեկատվություն չկա:

Մյուս անհավանական հայը Մեծ Բրիտանիայի արքայադուստր Դիանան է, թեև նա ընդամենը 1/64 -րդ մասով է հայ: Նշվում է, որ Դիանայի հայ նախնին է Հնդկաստանի Գուջավար քաղաքի հայազգի մեծահարուստ Էլիզա Քևարը: Մի քանի տարի առաջ Արքայադուստր Դիանայի նախնիների տանն անծանոթ լեզվով նամակներ են հայտնաբերվել:  Հետազոտությունները պարզել են, որ նամակները գրված են հայերեն, և որ դրանք գրվել են Էլիզա Քևարի կողմից իր երեխաների և թոռների համար:

Էլիզա Քևարը ամուսնացել է շոտլանդացի Թեոդոր Ֆորբսի հետ: Այս միությունից ծնվել է Քեթլին Սքոթը, ով ամուսնացել  է Ջեյմս Քրոմբիի հետ: Նրանք Ջեյն անունով աղջիկ են լույս աշխարհ բերել, ով ամուսնացել է Դեյվիդ Լիթլջոնի հետ, իսկ նրանց դուստր Ռութն ամուսնացել է Ուիլյամ Գիլի հետ: Ռութ Սիլվիա Գիլը`Լեդի Դիանայի տատիկը, ամուսնացել է Լորդ Ֆերմոյի հետ:  Իսկ նրանց աղջիկ`Ֆրանսիս Ռութ Բուրք Ռոաչն ամուսնացել է Լեդի Դիանայի հոր` Ըրլ Սփենսեր 8-րդի հետ: Ստացվում է, որ Լեդի Դիանայի տատմոր տատը հայ է:

Նշվում է, որ ամենայն հավանականության Լեդի Դին իմացել է իր հայկական արմատների մասին, սակայն, հաշվի առնելով իր դիրքը, նախընտրել է չհրապարակել այս փաստը:

Շատերը հայկական ծագում են վերագրում նաև բրիտանացի կոմիկ Ռոուեն Աթկինսոնին, ով առավել հայտնի է որպես Միսթեր Բին: Սակայն, ի տարբերություն Ջեորջիո Արմանիի և Լեդի Դիի,այս պնդումներն առավել անհավանական են: Հավանաբար, շատերի մոտ նման տպավորություն ստեղծվել է դերասանի հայկական արտաքինի և միմիկաների պատճառով:

այլ նյութեր այս թեմայով


Ամենաընթերցվածը

օրվա

շաբաթվա

ամսվա

    Եղանակ
    Երևան
    Արևոտ
    Խոնավություն՝ 26%
    Քամի՝ 0,51 կմ/ժ
    14 C°
     
    16°   
    29.03.2024
    20°   
    30.03.2024
    Հարցում

    Ի՞նչ եք կարծում՝ մե՞ծ է արդյոք ռազմական գործողություններին Իրանի մասնակցության հավանականությունը: