Թուրքական իշխանությունները Երուսաղեմը Իսրայելի մայրաքաղաք են ճանաչել Թրամփից ավելի շուտ․ Գարո Փայլան

• 09.12.2017, 18:07
•  Տարածաշրջան,  Աշխարհ

Թուրքիայի «Ժողովուրդների դեմոկրատական» կուսակցության հայ պատգամավոր Կարո Փայլանը Twitter-ում անդրադարձել է Երուսաղեմը Իսրայելի մայրաքաղաք ճանաչած ԱՄՆ նախագահ Դոնալդ Թրամփի հայտարարության թուրքական արձագանքին, փոխանցում է News.am-ը:

Twitter-ի իր էջում Գարո Փայլանը գրել է․ «Իշխող «Արդարություն և զարգացում» կուսակցությունը Երուսաղեմը Իսրայելի մայրաքաղաք է ճանաչել Թրամփից ավելի շուտ։ Ներկայում իրենց էժանագին շոուներով փորձում են օրակարգը շեղել իրենց անօրինականություններից»,-գրել է Գարո Փայլանը՝ ներկայացնելով իշխող կուսակցության և Իսրայելի իշխանությունների միջև «Մավի Մարմարայի» գործով կայացված համաձայնագիրը, որտեղ նշվում է, որ համաձայնագիրը ստորագրվում է Անկարայի և Երուսաղեմի միջև։ Երուսաղեմն այստեղ նկատի է առնվում որպես մայրաքաղաք, ինչպես Անկարան։