Սթինգը՝ Շառլ Ազնավուրի մասին. «Նա իմ ավագ ընկերն է»

• 10.02.2018, 18:46
•  Եվրոպա,  Աշխարհ,  Հայաստան,  No-politics

kaputsin.com

Ֆրանսիայում կայացել է Victoires երաժշտական մրցանակաբաշխության արարողությունը։ Առաջին անգամ այդ արարողության պատվավոր պաշտոնը շնորհվել է ազգությամբ ոչ ֆրանսիացու՝ Սթինգին, ով Փարիզ է ժամանել դեռ արարողությունից առաջ: NEWS.am-ի փոխանցմամբ, նա չէր ակնկալում, որ իրեն կհրավիրեն որպես մրցանակաբաշխության նախագահ։

«Ես շատ զարմացած էի, երբ ինձ հայտնեցին այդ մասին։ Ինձ համար դա մեծ պատիվ է, չէ՞ որ ես, փաստացի, այդ պաշտոնում փոխարինում եմ բազմաթիվ մեծ արտիստների, որոնց շատ հարգում եմ ու որոնցից մեկն էլ իմ ավագ ընկեր Շառլ Ազնավուրն է։ Առավել ևս, որ Ֆրանսիայի հետ ես միշտ ինչ-որ ստեղծագործական կապ եմ ունեցել։ Roxane երգը ես այստեղ՝ Փարիզում եմ գրել։ Ես պարտական եմ Ֆրանսիային, նրա մշակույթին, առավել ևս, որ ես պատանեկության տարիներին սիրում էին կարդալ Սարտր ու Քամյու, իսկ վերջերս կարդացել եմ Միշել Ուելբեքի «Հնազանդություն» գիրքը, որը շատ հետաքրքիր էր»,- նշել է 66-ամյա երգիչը։