ԱԱԾ պետ. Ուղիղ եթերների հետ մտահոգություններ ունեմ՝ դրանք կարող են սպառնալիք լինել ազգային անվտանգությանը

• 19.05.2018, 16:45
•  Հայաստան

Ազգային անվտանգության ծառայության նորանշանակ տնօրեն Արթուր Վանեցյանն այսօր լրատվամիջոցների խմբագիրների հետ հանդիպման ժամանակ մտահոգություն է հայտնել ուղիղ եթերների հեռարձակումների առնչությամբ, հայտնում է «Այսօր»-ը: 

«Ուղիղ եթերների հետ մտահոգություններ ունեմ։ Կան իրավիճակներ, որոնք կարող են սպառնալիք լինել ազգային անվտանգությանը։ Մենք պետք է քննարկենք մեր գործընկերների հետ, որ գտնենք ճիշտ լուծումներ», - ասել է Արթուր Վանեցյանը՝ պատասխանելով Ազգային անվտանգության խորհրդի նորանշանակ քարտուղար Արմեն Գրիգորյանի կողմից ֆեյսբուքյան ուղիղ եթերի հեռարձակմանը վերաբերող հարցին, երբ աշխատասեղանին դրված բոլոր փաստաթղթերը երևում էին։