Մայիսի 23-ը` Կրիաների համաշխարհային օր

• 23.05.2018, 11:31
•  Աշխարհ,  No-politics

Наш Зеленый Мир

Այսօր`մայիսի 23-ին, շատ երկրներ նշում են Կրիաների համաշխարհային օր, որը խորհրդանշում է իմաստություն, հարստություն և երկարակեցություն: Այս անսովոր տոնը ծագել է 2000 թվականին «American Tortoise Rescue» կրիաների փրկության կազմկերպության նախաձեռնությամբ: Այս կազմակերպությունը հիմնադրվել է 1990 թ.-ին Մալբու քաղաքում (Կալիֆորնիա, ԱՄՆ)`քաղաքի շրջակայքում ապրող կրիաների պահպանման համար:

Տոնի նպատակն է հասարակության ուշադրությունը հրավիրել մեծ թվով կրիաների ոչնչացման խնդրի ուղղությամբ։ Այդ օրը կրիաների բնակության բոլոր վայրերում ակցիաներ են անցկացվում։ Ակցիայի մասնակիցները փորձում են պետության կողմից վերահսկվող տարածք դարձնել ծովափերը, որտեղ ձվադրում են կրիաները։

Կրիաների համաշխարհային օրն աշխարհի տարբեր անկյուններում մարդիկ փորձում են սննդից բացառել կրիաներից պատրաստված ուտեստները, ինչպես նաև նրանց պատյանից պատրաստված իրերը։ Տոնն իր մեջ ներառում է նաև կրիաների կոստյումներով դիմակահանդեսներ՝ կենդանիների կյանքից զվարճալի տեսարաններով և այլն։