Կառլես Պուչդեմոնը վերադարձել է Բելգիա

• 28.07.2018, 20:29
•  Եվրոպա,  Աշխարհ

euronews

Կատալոնիայի նախկին ղեկավար, Կատալոնիայի անկախության շարժման առաջնորդ Կառլես Պուչդեմոնը Գերմանիայում ստորագրությամբ չհեռանալու մասին խափանման միջոցի վերացումից հետո վերադարձել է Բելգիա, փոխանցում է Euronews-ը:

Բրյուսելի օդանավակայանում նրան դիմավորել են իր քաղաքական դաշնակիցները, այդ թվում և կատալոնյան կառավարության ներկայիս ղեկավար Քիմ Թորրան: Երկու ղեկավարները հայտարարությամբ են հանդես եկել:

“Սա դեռևս ճանապարհի ավարտը չէ: Ես շարունակելու եմ իմ ճանապարհորդությունը Եվրոպայով, հասնելու եմ մեր մայրցամաքի բոլոր անկյունները` պաշտպանելով կատալոնացի ժողովրդի արդար պայքարը ժողովրդավարության, ազատության և ինքնորոշման համար”, - նշել է Պուչդեմոնը:

Պուչդեմոնին Իսպանիային արտահանձնելու` գերմանացի դատավորի հրաժարումը Քիմ Թորրան անվանել է Իսպանիա պետության պարտություն, և կոչ է արել նոր կառավարությանը երկխոսություն սկսել Մադրիդի հետ:

Բելգիայի իշխանություններն ու Եվրահանձնաժողովը հրաժարվում են մեկնաբանել Պուչդեմոնի վերադարձը Բելգիա: