Սե՛րժ, ինչքան էլ դու լինես հայտնի ու սիրված, օրենքով դու պետք է կարողանաս պատասխան տալ քո խոսքերի համար. Աշոտյանը՝ Սերժ Թանկյանին

• 09.12.2018, 18:21
•  Աշխարհ,  Հայաստան,  Սփյուռք

Հանրապետական կուսակցության փոխնախագահ Արմեն Աշոտյանն ֆեյսբուքյան իր էջում արձագանքել է ռոք երաժիշտ Սերժ Թանկյանին, հայտնում է «Այսօր»-ը:

«Ցավում եմ, որ մեր երկրի անունը մշակութային ոլորտում բարձր պահող Սերժ Թանկյանը անպատասխանատու արտահայտություններ է անում:

Սերժ Թանկյանը այսօր անդրադարձել է ՀՀ-ում տեղի ունեցող արտահերթ ընտրություններին ու, չգիտես ինչու, որոշել է իր հուզական ստատուսում մեկնաբանել իմ խոսքերը։

Սե՛րժ, ինչքան էլ դու լինես հայտնի ու սիրված, ինչքան էլ լինես մեր երկրի անունը բարձր պահող, միևնույն է օրենքով դու պետք է կարողանաս պատասխան տալ քո խոսքերի համար։ Երբ դու նշում ես, որ «20 տարի երկիրը թալանելուց հետո Աշոտյանը գրում է, թե քարոզարշավի ժամանակը քիչ է», դու հանցագործության մասին ակամայից կամ մտածված հաղորդում ես տալիս, ինձ անվանական մեղադրանք առաջադրում, որին, հուսանք, ՀՀ ոստիկանությունը կարձագանքի, հակառակ դեպքում վերջնականապես կփաստվի, որ մեր երկրում իսկական ընտրովի արդադատություն է։