Իրանն ԱՄՆ-ից պահանջել է վերականգնել նավթային պատժամիջոցների բացառությունները

• 29.08.2019, 12:13
•  Տարածաշրջան,  Մերձավոր Արևելք,  Աշխարհ

Եվրոպական երկրները պետք է համոզեն ԱՄՆ-ին վերականգնել իրանի դեմ  նավթային պատժամիջոցների բացառությունները իրանական միջուկային ծրագրի շուրջ գործարքը պահպանելու համար: Այդ մասին պետական հեռուստատեսության եթերում հայտարարել է Իրանի ԱԳ նախարարի տեղակալ Աբաս Արաղչին:

Նրա տվյալներով՝ Իրանի դիրքորոշումը երկրի նախագահ Հասան Ռոուհանիի կողմից փոխանցվել է Ֆրանսիայի նախագահ Էմանուել Մակրոնին վերջրես կայացած մի հեռախոսազրույցների ընթացքում:

«Ռոուհանին Մակրոնին հայտարարել է, որ եթե Եվրոպան ցանկանում է պահպանել միջուկային գործարքը, ապա նա պետք է ապահովի նավթ վաճառելու մեր հնարավորությունը: Դրա համար կա երկու տարբերակ. դրանցից մեկն այն է, որ դիմեն ամերիկացիներին և խնդրեն նրանց վերականգնել պատժամիջոցների բացառություններն իրանական նավթի գնորդների համար»,- Bloomberg-ը մեջբերել է Արաղչիի հայտարարությունը:

Երկրորդ տարբերակն, Իրանի արտաքին քաղաքական գերատեսչության ղեկավարի տեղակալի խոսքով, նախատեսում է, որ եվրոպական երկրներն իրենք մեծ քանակությամբ իրանական նավթ գնեն:

Արաղչին նաև նշել է, որ Իրանը կվերադառնա միջուկային գործարքի պայմանների ամբողջական կատարմանը, երբ կարողանա նավթ վաճառել  և լիարժեք հասենելիություն ունենա իր եկամուտներին: