Միշուստինը կարգադրել է բացել Հարավային Օսիայի հետ սահմանը

• 15.09.2020, 15:09
•  Աշխարհ

ՌԴ վարչապետ Միխայիլ Միշուստինը կարգադրություն Է ստորագրել Հարավային Օսիայի հետ սահմանը բացելու վերաբերյալ, տեղեկացնում Է ՌԻԱ Նովոստին:

«Ռուսաստանը «…» նաև հանում Է մի քանի մասնագետների համար երկիր մուտքի և այստեղից ելքի սահմանափակումները»,- ի հավելումն նշվում Է կառավարության մամուլի ծառայության հաղորդագրության մեջ:

Բացի այդ, մուտքը և ելքը թույլատրված Է ծովային և գետային նավերի անձնակազմերի այն անդամներին, որոնք գտնվում են ռուսաստանյան նավահանգիստներում:

Տեղափոխության համար նրանք կարող են օգտագործել ավտոմոբիլային, օդային, երկաթուղային և ծովային փուխադրամիջոց:

Նշվում Է, որ որոշումն ընդունվել Է նավերի անձնակազմերի հերթափոխի հնարավորությունն ապահովելու համար:

Նոր կորոնավիրուսային համավարակի ֆոնին Ռուսաստանը մարտի 27-ից դադարեցրել Է կանոնավոր և չարտերային ավիահաղորդակցությունը մյուս երկրների հետ: Բացառություն են կազմել այն չվերթերը, որոնցով Ռուսաստանի քաղաքացիներին դուրս են հանում արտասահմանից, իսկ օտարերկրացիներին՝ Ռուսաստանից, ինչպես նաև բեռնային, փոստային, սանիտարական և մի քանի այլ թռիչքներ:

Իշխանությունները քանիցս ընդգծել են, որ սահմանները բացելու ամսաթիվը կախված Է լինելու համաճարաբանական իրադրությունից: Այժմ ռուսաստանցիները հնարավորություն ունեն ուղևորվել Մեծ Բրիտանիա, Թուրքիա, Տանզանիա, Աբխազիա, Շվեյցարիա, Եգիպտոս, Արաբական Միացյալ Էմիրություններ և Մալդիվներ:

Նաև որոշում են ընդունել իրենց սահմանները բացել Չեռնոգորիան, Խորվաթիան, Բելառուսը, Սերբիան, Բուլղարիան, Կուբան, Դոմինիկյան Հանրապետությունը և Մեքսիկան: Աստիճանաբար Ռուսաստանի հետ հաղորդակցությունը վերսկսում են նաև մյուս երկրները:

Այսպես, օգոստոսի 31-ին Լեհաստանը Ռուսաստանին հանել Է այն երկրների ցուցակից, որոնց հետ արգելված Է ավիահաղորդակցությունը: Սեպտեմբերի 1-ից կարելի Է ռուսաստանցիների մուտքը Մոլդովա: Սեպտեմբերի 7-ից թույլատրված Է շաբաթը մինչև 500 ռուսաստանցիների մուտքը Հունաստան: