Արցախի ՊԲ-ն Ադրբեջանի կողմից հրադադարի ռեժիմի խախտումների վերաբերյալ տեղեկատվություն է տրամադրել ռուս խաղաղապահներին

• 07.03.2022, 13:03
•  Աշխարհ,  ԼՂՀ

Մարտի 7-ին Ադրբեջանի պաշտպանության նախարարության կողմից տարածված հաղորդագրությունն առ այն, թե իբր ՊԲ ստորաբաժանումները կրակ են բացել արևելյան ուղղությամբ տեղակայված ադրբեջանական դիրքերի ողղությամբ, կեղծ է և ոչ մի առնչություն չունի իրականության հետ, հաղորդում են Պաշտպանության բանակից։

«Իրականում նշված ուղղություններում վերջին օրերի ընթացքում հրադադարի պահպանման ռեժիմը պարբերաբար խախտվել է ադրբեջանական զինուժի կողմից, որի վերաբերյալ համապատասխան տեղեկատվություն է տրամադրվել ռուսական խաղաղապահ զորակազմի հրամանատարությանը:

Ադրբեջանական կողմից նշված խախտումների արդյունքում ՊԲ-ի ստորաբաժանումները կորուստներ չեն կրել», - նշված է ՊԲ հաղորդագրությունում։