Էրդողանն ասել է, որ ԱՄՆ-ը ուշացնում է F-16-երի մատակարարումները Թուրքիայի ՌՕՈւ-ի համար

• 28.06.2022, 17:19
•  ԵԱՏՄ,  Ամերիկա,  Տարածաշրջան,  Աշխարհ

mk

Թուրքիայի նախագահ Ռեջեփ Թայիփ Էրդողանը հայտարարել է, որ Միացյալ Նահանգներն ուշացնում է F-16 կործանիչների մատակարարումը Թուրքիայի ՌՕՈւ-ի համար, փոխանցում է NEWS.am-ը:

«Այդ հարցը դեռ սեղանին է»,- ասել է Էրդողանը ՆԱՏՕ-ի գագաթաժողովին մասնակցելու համար Մադրիդ մեկնելուց առաջ տված մամուլի ասուլիսում։

F-16 կործանիչների ձեռքբերումը թուրքական ռազմական ավիացիայի համար շարունակում է քննարկվել ԱՄՆ Կոնգրեսում, հայտի գումարը 400 մլն դոլար է։ Կործանիչների մատակարարման ուշացումը կապված է այն բանի հետ, որ Էրդողանը հրաժարվում է խզել С-400 զենիթահրթիռային համալիրների մատակարարման պայմանագիրը Ռուսաստանի հետ։