Հայաստանը միանում է ԵԱՏՄ–ի ու Վիետնամի մաքսային համագործակցության համաձայնագրին

Հայաստանը միանում է ԵԱՏՄ անդամ պետությունների մաքսային մարմինների և Վիետնամի միջև էլեկտրոնային տեղեկատվության փոխանակման համաձայնագրին։ Որոշումն ընդունվել է ՀՀ կառավարության այսօրվա նիստում, փոխանցում է Sputnik-ը։

Կառավարության համոզմամբ` տեղեկատվության կանոնավոր փոխանակման գործընթացը կնպաստի ապրանքների մաքսային ձևակերպումների գործընթացի արագացմանը, ինչպես նաև հնարավոր խախտումների արագ բացահայտմանը:

ԵԱՏՄ–Վիետնամ մաքսային համագործակցությունը մեկնարկել է 2018թ-ի հունիսի 28-ին Եվրասիական տնտեսական միության և դրա անդամ պետությունների ու Վիետնամի Սոցիալիստական Հանրապետության միջև Բրյուսելում ստորագրված ազատ առևտրի համաձայնագրով, որը սկսել է գործել 2019թ․ դեկտեմբերի 19-ին:

Սկզբնական շրջանում այն վերաբերում էր կոնկրետ ապրանքների։ Համաձայնագրի նորացված տարբերակով այն նախատեսվում է տարածել բոլոր ապրանքների վրա: