Հռոմի պապ Ֆրանցիսկոսը խոստացել է այցելել և՛ Կիև, և՛ Մոսկվա

• 28.11.2022, 20:14
•  Եվրոպա,  ԵԱՏՄ,  Աշխարհ

Հռոմի պապ Ֆրանցիսկոսը որոշել է, որ կայցելի Կիև այն դեպքում, եթե այցելի նաև Մոսկվա։ Այս մասին նա հայտնել է  Americamagazin ամսագրին տված հարցազրույցում, փոխանցում է ՏԱՍՍ-ը։

«Ես մտածում էի [Կիև] գնալու մասին, բայց որոշում կայացրի. եթե գնամ,  ապա կգնամ Մոսկվա և Կիև, երկու քաղաքներ, ոչ թե երկուսից մեկը», - ասել է պոնտիֆիկոսը:

Նա նշել է, որ երեք անգամ հեռախոսով խոսել է Ուկրաինայի նախագահ Վլադիմիր Զելենսկու հետ։ «Ես աշխատում եմ գերիների ցուցակների հետ՝ և՛ քաղաքացիական անձանց, և՛ ռազմագերիների, և ես ցուցակներն ուղարկել եմ Ռուսաստանի կառավարությանը, և պատասխանը միշտ դրական է եղել»,- ասել է Ֆրանցիսկոսը։