ԵՐԵՎԱՆ 0 C°
ՀՀ ԿԲ -
  • USD - 396.02 դրամ +0,02 EUR - 431.27 դրամ +0,27 RUB - 5.71 դրամ +0,71 GBP - 490.04 դրամ +0,04
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

Մենենդեսը կոչ է արել պատժամիջոցներ կիրառել Ալիևի ռեժիմի դեմ՝ պատերազմական հանցագործությունների համար

ԱՄՆ Սենատի արտաքին հարաբերությունների հանձնաժողովի նախագահ Բոբ Մենենդեսը Սենատի նիստում նախազգուշացրել է, որ Ադրբեջանի կողմից Արցախի շրջափակումն ունի ցեղասպանությանը բնորոշ բոլոր նշանները։

Ինչպես փոխանցում է NEWS.am-ը, նա կարծիք է հայտնել, որ ԱՄՆ-ը բավարար ճնշում չի գործադրում Ադրբեջանի նախագահ Իլհամ Ալիևի վրա, կոչ արել պատժամիջոցներ կիրառել Ալիևի ռեժիմի դեմ՝ պատերազմական հանցագործությունների և էթնիկ զտումների համար: Մենենդեսը նաև Բայդենի վարչակազմին հորդորել է դադարեցնել անվտանգության ապահովմանն ուղղված ցանկացած տեսակի աջակցությունն Ադրբեջանին:

«Վստահ եմ, որ Միացյալ Նահանգները կարող է և պետք է ակտիվ դերակատարում ունենա այս հակամարտության լուծման հարցում»,- ասել է սենատորը՝ ԱՄՆ իշխանություններին կոչ անելով ինչպես աջակցել Հայաստանի ու Ադրբեջանի միջև բանակցություններին, այնպես էլ միջնորդ հանդիսանալ կողմերի միջև համաձայնագրի կնքման գործում։

Մենենդեսն անդրադարձել է նաև հակամարտության կարգավորման գործում ԵՄ դերին: Նրա խոսքով՝ Ադրբեջանին էներգետիկ ոլորտի կարևոր գործընկեր համարելու փոխարեն՝ Եվրամիությունը պետք է ճնշում գործադրի Բաքվի վրա՝ Լեռնային Ղարաբաղի շրջափակումը դադարեցնելու համար:

На русском

Ամենաընթերցվածը

օրվա

շաբաթվա

ամսվա

    Եղանակ
    Երևան

    Խոնավություն՝ %
    Քամի՝ կմ/ժ
    0 C°
     
    0°  0° 
    06.12.2025
    0°  0° 
    07.12.2025
    Հարցում

    Ի՞նչ եք կարծում՝ մե՞ծ է արդյոք ռազմական գործողություններին Իրանի մասնակցության հավանականությունը: