Բուլղարիան այլևս Ռուսաստանի «բարեկամը» չէ
Օրերս Բուլղարիայի Պաշտպանության նախարարությունը պետական պատվերի մրցույթ հայտարարեց Վառնայում ՆԱՏՕ-ի Սևծովյան ռազմածովային ուժերի հրամանակատարական կենտրոնի կառուցման մրցույթ: Ըստ հայտարարության՝ կենտրոնը պետք է կառուցվի ՆԱՏՕ-ի անվտանգության ներդրումային ծրագրի (NATO Security Investment Program) միջոցներով:
Տարածված հայտարարությունը հետաքրքրական է մի քանի պատճառով՝ նախ սա Բուլղարիայի տարածքում 2015թ-ին արդեն երկրորդ լուրջ ծրագիրն է, որի իրականացման մասին հայտարարվել է: Փետրվարի սկզբին հայտնի էր դարձել Սոֆիայում դաշինքի ցամաքային զորքերի գործողությունների կոորդինացման հրամանատարա-վերահսկողական կենտրոն ստեղծելու մասին:
Բավականին կարևոր է նաև այն հանգամանքը, որ ուկրաինական ճգնաժամի սկզբից ի վեր ՆԱՏՕ-ի արևելյան անդամ երկրներում կառույցն ակտիվացել է (զորավարժություններ, ռազմական բաղկացուցիչների մեծացում) և այս առումով հատկանշական է, որ բավականին հաճախակի է դարձել ՆԱՏՕ անդամ երկրների ռազմանավերի մուտքը Սև ծով: Սև ծովում ՆԱՏՕ-ի ակտիվության աճը պայմանավորված է նաև այն հանգամանքով, որը Ղրիմի՝ Ռուսաստանին միանալուց հետո ռուսական ուժերը լուրջ առավելություն ստացան Սև ծովում, իսկ պաշտապանության նախարար Շոյգույի նախաձեռնությամբ սկսվեց Սևծովյան ռազմածովային ուժերի վերազինման և համալրման լուրջ գործընթաց: Օգտվելով ստեղծված իրավիճակից ՆԱՏՕ-ն ամրապնդվում է Բալկաններում և Արևելյան Եվրոպայում, ինչն ավելի է սրում առկա լարվածությունը:
Բուլղարիայի տարածքում ՆԱՏՕ-ի ենթակառուցվածքների ձևավորումն արդեն իսկ վկայում է, որ եթե նախկինում բուլղարական կողմը, հստակ ակնկալիքներ ունենալով Ռուսաստանից, փորձում էր հնարավորինս խուսափել ռուսական կողմին «նյարդայնացնող» քայլերից, ապա այժմ՝ իրավիճակը փոխվել է: Դա թերևս պայմանավորված է ռուսական կողմից «Հարավային հոսքի» նախագիծը չեղյալ հայտարարելու հետ: Հիշեցնենք, որ խողովակաշարը Ռուսաստանից Սև ծովով հասնելու էր Բուլղարիա և այնտեղից շարունակվլու էր եվրոպական այլ երկրներ: Նախագծի կյանքի կոչման դեպքում Բուլղարիան ուներ տրանզիտային կարևոր երկիր դառնալու բավականին իրատեսական հավակնություններ, սակայն ռուսական կողմը, չցանկանալով զիջումների գնալ եվրահանձնաժողովի հետ բանակցություններում, ուղղակի չեղյալ հայտարարեց այն: Արդյունքում, զրկվելով հնարավոր օգուտներից, Բուլղարիան մի կողմից չունի որևէ շահագրգռվածություն չգնալու «հակառուսական» քայլերի, մյուս մողմից փնտրում է հնարավոր տարբերակներ իր տրանզիտային պոտենցիալի իրացման համար:
Բուլղարիայի գործելավոճում տեղի ունեցած փոփոխությունների մասին վկայում է նաև Բուլղարիայի մերձեցումը TANAP նախագիծն իրականացնող երկրների հետ, ինչը պայմանավորված է տվյալ խողովակաշարի շնորհիվ տրանզիտային լուրջ դերակատարում ստանալու ակնկալիքով: Թերևս պատահական չէ, որ օրերս Սոֆիայում Ադրբեջանի նախագահ Իլհամ Ալիևի հետ հանդիպման ժամանակ Բուլղարիայի վարչապետ Բոյկո Բորիսովը հիշեց Եվրահանձնաժողովի կողմից սառեցված Nabucco նախագիծը և դրա հնարավոր վերակենդանացման հարցը դարձրեց հանդիպման հիմնական թեմաներից մեկը: Բնականաբար Nabucco-ն իր նախնական պլանավորմամբ կյանքի կոչելը մի շարք օբյեկտիվ և սուբյեկտիվ պատճառներով անհնար է, սակայն նրա առանձին տարածաշրջանային սեգմենտների, օրինակ` Nabucco-West-ի (նախատեսում է գազի տեղափոխումը Թուրքիայից Բուլղարիայի տարածքով մինչև Ավստրիա) իրականացումը իրատեսական է: Տվյալ նախագիծը ժամանակին հանդիսանում էր եվրոպական շուկայում ռուսական շահերի համար բավականին լուրջ սպառնալիք: Չնայած նախագծի տեխնիկական իրատեսականությանը, այն գազով ապահովելու հարցը խնդրահարույց է, քանի որ ադրբեջանական գազը նախնական շրջանում կարող է բավարարել միայն TANAP-TAP խողովակաշարը, իսկ առանց թուրքմենական գազի Եվրոպայի համար այլընտրանք դառնալու հավակնությունները դատապարտված են տապալման:
Եվրոպան այլընքային էներգետիկ նախագծերում ակտիվ ներգրավվածություն ունենալու` Բուլղարիայի ձգտումը պայմանավորված է նաև այն հանգամանքով, որ ռուսական կողմն այսօր քննարկումներ է իրականացնում Թուրքական հոսքը Եվրոպա, մասնավորապես՝ Հունգարիա հասցնելու վերաբերյալ: Նախատեսվում է, որ խողովակաշարը պետք է անցի Հունաստանով, Մակեդոնիայով և Սերբիայով՝ շրջանցելով Բուլղարիան, ինչը ռուսական կողմը դիտարկում է որպես «պատիժ» բուլղարացիներին, ովքեր ամենապատասխանատու պահին չկարողացան վճռական գտնվել և, տեղի տալով Եվրահանձնաժողովի ճնշումներին, տապալման տարան «Հարավային հոսքի» նախագիծը:
Ամփոփելով կարող ենք նշել, որ Բալկաններում Ռուսաստանն արդեն ունի ևս մեկ ոչ բարեկամ երկիր, որի աշխարհաքաղաքական շահերն այլևս չեն համընկնում ռուսականի հետ: Ե՛վ ՆԱՏՕ-ի ամրապնդումը Բուլղարիայում, և՛ Եվրոպային այլընտրանքային գազ հասցնելու ծրագրերում տվյալ երկրի ներգրավումն անշուշտ անհետևանք չեն մնա տարածաշրջանում վերսկսված ազդեցության լծակների վերաբաժանման գործընթացում:
-
16:17
ՀԱՐԳԵԼԻ՛ ԸՆԹԵՐՑՈՂ
-
16:16
Հանրապետությունում առաջիկա օրերին օդի ջերմաստիճանն աստիճանաբար կնվազի 8-10 աստիճանով
-
16:11
Հոկտեմբերի 7-ին ԱՊՀ-ի ոչ պաշտոնական գագաթնաժողով նախատեսված չէ. Պեսկով
-
16:10
Ադրբեջանի ԶՈՒ կրակի հետևանքով հայկական կողմում կան տուժածներ․ ՀՀ ՊՆ
-
16:00
ԼՂ-ից բռնի տեղահանված առանց ուղեկցողի մնացած 20 երեխա և 216 տարեց գտնվում են ՀՀ աշխատանքի և սոցիալական հարցերի նախարարության հոգածության ներքո
-
15:30
Իրանը կողմ է տարածաշրջանի համար շահավետ տրանսպորտային հաղորդակցությունների զարգացմանը, սակայն ոչ՝ միջազգային սահմանների փոփոխությանը
-
15:10
Պետք է միջոցներ ձեռնարկել Ադրբեջանի կողմից սպառնալիքները կասեցնելու համար. իսպանացի պատգամավորը Գորիսում է
-
14:54
Ադրբեջանի ԶՈՒ-ն կրակ է բացել Կութի հատվածում տեղակայված հայկական դիրքերի անձնակազմի համար սնունդ տեղափոխող մեքենայի ուղղությամբ
-
14:46
Մեր երկրները միևնույն մարտահրավերներն ունեն. կիպրոսցի խորհրդարանականը՝ Ալեն Սիմոնյանին
-
12:00
Ֆրանսիայի ԱԳ նախարարը կայցելի Հայաստան
-
11:30
Սամվել Շահրամանյանն ու մի խումբ պատասխանատուներ կմնան ԼՂ-ում՝ մինչև որոնողափրկարարական աշխատանքների ավարտը
-
11:03
ՄԱԿ-ի առաքելությունը շատ, շատ, շատ օգտակար է Արցախի անապատում. Ժան-Քրիստոֆ Բյուսոն
-
10:43
Ադրբեջանի փոխվարչապետն այսօր կմեկնի Ստեփանակերտ
-
10:07
Սենատոր Գարի Փիթերսը ներկայացրել է օրինագիծ, որն արգելում է ԱՄՆ օգնությունն Ադրբեջանին
-
09:38
Խումբն Արցախում կմնա` մինչև զոհվածների աճյունների ու անհետ կորածների որոնողափրկարարական աշխատանքների ավարտը. Թադևոսյան
-
20:26
Ժամը 18։00-ի դրությամբ ԼՂ-ից բռնի տեղահանված 100․480 անձ արդեն Հայաստանում է
-
19:54
Ադրբեջանի պաշտպանության նախարարությունն ապատեղեկատվություն է տարածել
-
15:25
Օդի ջերմաստիճանը կնվազի 7-10 աստիճանով, սպասվում է անձրև և ամպրոպ
-
13:16
Միացյալ Թագավորությունը 1 միլիոն ֆունտ ստեռլինգ կհատկացնի՝ աջակցելու Լեռնային Ղարաբաղից բռնի տեղահանվածներին
-
12:25
Հայաստան է ժամանել բռնի տեղահանված 100 հազար 417 արցախցի
օրվա
շաբաթվա
ամսվա
Խոնավություն՝ 40%
Քամի՝ 2,06 կմ/ժ