Իսրայելի հատուկ ծառայությունները խորհուրդ են տալիս զերծ մնալ Ադրբեջան այցելություններից

• 23.03.2015, 14:11
•  Տարածաշրջան,  Մերձավոր Արևելք,  Աշխարհ

Հրեական գարնանային տոների կապակցությամբ Իսրայելի ահաբեկչության դեմ պայքարի շտաբը հրապարակել է այն երկրների ցանկը, որտեղ մեկնելը խորհուրդ չի տրվում իսրայելցիներին, քանի որ այդ երկրներում հրեաների և իսրայելցիների նկատմամբ ահաբեկչություն իրականացնելու իրական վտանգը մեծ է։ Այս մասին փոխանցում է newsru.co.il լրատվական կայքը։

Շտաբում նշում են, որ բոլոր նախազգուշացումները հիմնված են իրական հետախուզական տվյալների վրա։ Այսպես, համաձայն հրապարակված նախազգուշացումների՝ իսրայելցիներին խորհուրդ չի տրվում այցելել 41 երկիր։ Այդ երկրների հիմնական մասն արաբական և հյուսիսաֆրիկյան  երկրներ են։

Հրեաների համար վտանգավոր երկրների շարքում նշվում է նաև Թուրքիան և Ադրբեջանը։

Շտաբը նաև հիշեցնում է քաղաքացիներին, որ Իրան, Իրաք, Սիրիա, Սաուդյան Արաբիա, Եմեն և Լիբանան այցելությունները օրենքով արգելված են և  այդ երկրներ այցելությունների համար նախատեսում է քրեական պատասխանատվություն։