ԵՐԵՎԱՆ 11 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 19 156,33 դրամ ԱՐԾԱԹ - 267,82 դրամ ՊԼԱՏԻՆ - 14 953,25 դրամ

Hush.am նախագծի նպատակը մշակութային ժառանգության պահպանումն է

Մշակութային ժառանգության յուրօրինակ վկայություն են հայկական գերեզմանատները ողջ աշխարհում: Բացի այն, որ դրանցում առկա ինքնատիպ խաչքարերը մշակութային հարուստ տեղեկատվություն են կրում, գերեզմանատները նաև ծագումնաբանական տվյալներ են ներկայացնում: Հայկական գերեզմանատներն ամփոփում են ցեղասպանության հազարավոր վերապրածների, նրանց սերունդների, հարազատների մասին հուշեր, ովքեր հաճախ ստիպված են եղել ապաստան գտնել միմյանցից հեռու` աշխարհի տարբեր ծայրերում: Հայկական մշակութային ժառանգության այս նմուշները խնամքի և ուշադրության կարիք ունեն. մինչև այժմ հազարավոր հուշաքարեր են ոչնչացվել Արևմտյան Հայաստանում, Նախիջևանում և այլուր (Ջուղայի խաչքարերը և այլն): Հաշվի առնելով այս ամենը` Hush.am նախագիծը մեկնարկել է հայկական գերեզմանատների թվայնացման գործընթաց: Մինչև այժմ թվայնացվել են Երևանի, ինչպես և Հայաստանի ու Արցախի մի շարք խոշոր քաղաքների գերեզմանատներ, հայկական գերեզմանատները Վրաստանի, Ռուսաստանի, Մեծ Բրիտանիայի, Շվեյցարիայի գաղթօջախներում։ Այժմ աշխարհի ցանկացած կետից ինտերնետային օգտատերերը կարող են կայքի միջոցով գտնել  իրենց հարազատների շիրիմները Հայաստանում, Արցախում և այլուր։

Կայքի միջոցով հնարավոր է նաև պատվիրել գերեզմանների խնամքի, դրանց նորոգման և այլ ծառայություններ։ Հեռավորությունն այլևս խոչընդոտ չէ, և  բոլորն այժմ հնարավորություն ունեն իրենց նախնիներին հարգանքի տուրք մատուցել նույնիսկ գտնվելով նրանց վերջին հանգրվանից հեռու։

Կայքը մեծ ներդրում է մշակութային ժառանգության պահպանման գործում:

 Hush.am-ում ներկայացված են հայ ականավոր գործիչների և ազգային հերոսների շիրիմները։ Դուք կարող եք տեսնել Եռաբլուրում, Կոմիտասի անվան պանթեոնում, Թբիլիսիի հայկանան պանթեոնում թաղված հայ մեծերի գերեզմանները, նպաստել նրանց հիշատակի պահպանմանն ու տարածմանը։

Կայքն ինտերակտիվ է և թույլ է տալիս նշումներ կատարել։

Hush.am նախագծի տվյալները հետաքրքրական են ազգագրական, պատմագրական և այլ տեսանկյունառումներով: Օրինակ` ներկայացված տվյալների միջոցվ կարելի է պարզել` երբ է գրանցվել ծնելիության  առավել բարձր մակարդակ Հայաստանում, Արցախում, երբ է առավել բարձր եղել մահացության թիվը, որ ժամանակաշրջանում ինչպիսի անուններ են առավել տարածված եղել և այլն:  


Ամենաընթերցվածը

օրվա

շաբաթվա

ամսվա

Եղանակ
Երևան
Ամպամած
Խոնավություն՝ 45%
Քամի՝ 6.44 կմ/ժ
10 C°
 
  15° 
27.03.2017
  15° 
28.03.2017
Հարցում

Ակնկալո՞ւմ եք լարվածության ավելի մեծ աճ Թուրքիա-ԵՄ հարաբերություններում։