Ինչո՞վ նշանավորվեց Ուորլիքի համանախագահությունը Ղարաբաղյան կարգավորման համար
ԵԱՀԿ Մինսկի խմբի ԱՄՆ համանախագահ Ջեյմս Ուորլիքն իր twitter-յան էջում գրառում է արել և տեղեկացրել, որ դեկտեմբերի 31-ից հետո լքում է Մինսկի խմբում ԱՄՆ համանախագահի պաշտոնը:
Ուորլիքը Մինսկի խմբում ԱՄՆ համանախագահի պաշտոնը ստանձնել է 2013 թվականի օգոստոսի 5-ից: Այս պաշտոնում Ուորլիքը թերևս ամենաշատն աչքի է ընկել իր թվիթերյան գրառումներով: Այս կապակցությամբ հարկ է նշել, որ ամերիկացի համանախագահի գրառումները հակամարտության կարգավորման թեկուզ կազմակերպչական-տեխնիկական հարցերի վերաբերյալ թափանցիկություն են ապահովել: Միևնույն ժամանակ, Ուորլիքը բավականին ակտիվորեն շփվում էր նաև լրատվամիջոցների ներկայացուցիչների հետ:
Ուորլիքի նման ակտիվությունը հանրային դաշտում երբեմն տպավորություն էր ստեղծում, որ համանախագահող երկրներից ԱՄՆ-ն ամենաշահագրգռվածն է հակամարտության կարգավորմամբ:
Այստեղ հարկ է նշել, որ ամերիկացի դիվանագետը ոչ միանշանակ էր ընդունվում հայ և ադրբեջանցի հասարակությունների կողմից: Ադրբեջանական կողմն Ուորլիքին ընկալում էր որպես հայամետ դիրքորոշմամբ համանախագահի. Բաքվի կարծիքով Օբամայի վարչակազմը տեղի էր տալիս հայկական լոբբիին և ընդհանուր առմամբ հետաքրքրված չէ Ղարաբաղյան հակամարտության կարգավորմամբ: «Իր պետության դիրքորոշումը հստակ արտահայտելու փոխարեն Ուորլիքը չէր ամաչում ցուցադրել իր անձևությունը: Հույս ունենք, որ ամերիկյան նոր վարչակազմն ավելի լուրջ կմոտենա Մինսկի խմբի շրջանակներում իր պարտականություններին և վերջապես կակտիվացնի իր դերակատարումը Ղարաբաղյան կարգավորման հարցում», - Ուորլիքի հեռանալու կապակցությամբ հայտարարել է Ադրբեջանի խորհրդարանի միջազգային հարաբերությունների և միջխորհրդարանական կապերի հանձնաժողովի նախագահ Սամիդ Սեիդովը: Այս կապակցությամբ հարկ է նշել, որ հայ հասարակությունն, իր հերթին, Ուորլիքին ընկալում էր որպես ադրբեջանամետ դիրքորոշում ունեցող՝ հղվելով վերջինիս կողմից Մադրիդյան սկզբունքների և Ադրբեջանին տարածքներ վերադարձնելու մասին պարբերական հայտարարություններին:
Ինչ վերաբերում է բուն բանակցային գործընթացում Ուորլիքի ներդրմանը, նշենք, որ այստեղ թերևս նրա անհատական դերը մղվում է երկրորդ պլան, քանի որ վերջինս պաշտոնական Վաշինգտոնի դիրքորոշումն արտահայտողն է: Այլ հարց է, որ համանախագահի և ընհանրապես միջնորդների ոչ հասցեական կոչերն ու արհեստական բալանսավորումը ստեղծեցին այն անպատժելիության մթնոլորտը, որն էլ ի վերջո հանգեցրեց 2016թ. ապրիլին ադրբեջանական ագրեսիային Արցախի նկատմամբ:
Ավելացնենք, որ Միսնկի խմբի համանախագահի պաշտոնը լքելու հետ մեկտեղ Ուորլիքը հեռանում է նաև ԱՄՆ Պետդեպարտամենտից, որտեղ աշխատել է շուրջ 30 տարի: Ուորլիքը Պետդեպարտամենտում սկսել է աշխատել դեռ 80-ականներին, տարբեր տարիներին զբաղեցրել է Մոսկվայում Միացյալ Նահանգների գլխավոր հյուպատոսի պաշտոնը, մի քանի տարի աշխատել է Բեռլինում ամերիկյան դեսպանատանը: 2004-ի հունվարից հուլիս ընկած ժամանակահատվածում էլ` Իրաքյան պատերազմի սկզբնական շրջանում, Ուորլիքն աշխատել է որպես Բաղդադում ամերիկյան դեսպան Փոլ Բրեմերի գլխավոր խորհրդական:
2010 թվականի հունվարից մինչև 2012-ի սեպտեմբեր Ուորլիքը Բուլղարիայում Միացյալ Նահանգների դեսպանն էր: Սոֆիայում պաշտոնավարման ընթացքում նա աչքի է ընկել հատկապես այդ երկրում ռուսական ազդեցության թուլացմանն ուղղված ջանքերով: Մինչ ԵԱՀԿ Մինսկի խմբի համանախագահի պաշտոնում նշանակվելը Ուորլիքը զբաղվում էր Աֆղանստանի և Պակիստանի խնդիրներով` հանդիսանալով այդ երկրներում Միացյալ Նահանգների հատուկ ներկայացուցչի տեղակալ:
Դիվանագետի կարիերան ավարտելուց հետո Ջ. Ուորլիքը պատրաստվում է համագործակցել ռուսաստանյան «Եգորով, Պուգինսկի, Աֆանասև և գործընկերներ» հայտնի իրավաբանական ընկերության հետ: Նա պատասխանատու է լինելու ԱՄՆ-ի և միջազգային հաճախորդների հետ աշխատանքի, հաճախորդների հետ ռազմավարական հարաբերություններ, օրենսդրություն և հանրային քաղաքականություն զարգացնելու համար:
այլ նյութեր այս թեմայով
- Ադրբեջանական զինուժը Մարտակերտի շրջանում խախտել է հրադադարը. Արցախի ՊՆ Հայկական կողմում կորուստներ չկան։
- Ի՞նչ արձանագրվեց երեկ Բրյուսելում Փորձ է արվել ցույց տալ, որ կա իրական առաջընթաց, հստակ պայմանավորվածություններ ու պլանավորված քայլեր մոտ ապագայի...
- Ադրբեջանի սադրանքն Արցախի նկատմամբ. քաղաքական ու հոգեբանական ճնշում Ի՞նչ խնդիրներ է փորձում լուծել Ադրբեջանը: Եվ ինչի՞ կարող է հանգեցնել միջազգային հանրության լռությունը:
- Նիկոլ Փաշինյանը հեռախոսազրույց է ունեցել Շառլ Միշելի հետ Վարչապետը մտահոգություն է հայտնել վերջին շրջանում Ադրբեջանի աճող ագրեսիվ հռետորաբանության և սադրիչ գործելակերպի...
- ԱՄՆ-ն լավատեսություն է արտահայտում Հայաստան-Ադրբեջան երկխոսության հետ կապված Վերջին շաբաթվա զարգացումները ցույց են տալիս, որ ՌԴ-ի և Արևմուտքի մրցակցությունը տարածաշրջանում սեփական դերի մեծացման...
-
16:17
ՀԱՐԳԵԼԻ՛ ԸՆԹԵՐՑՈՂ
-
16:16
Հանրապետությունում առաջիկա օրերին օդի ջերմաստիճանն աստիճանաբար կնվազի 8-10 աստիճանով
-
16:11
Հոկտեմբերի 7-ին ԱՊՀ-ի ոչ պաշտոնական գագաթնաժողով նախատեսված չէ. Պեսկով
-
16:10
Ադրբեջանի ԶՈՒ կրակի հետևանքով հայկական կողմում կան տուժածներ․ ՀՀ ՊՆ
-
16:00
ԼՂ-ից բռնի տեղահանված առանց ուղեկցողի մնացած 20 երեխա և 216 տարեց գտնվում են ՀՀ աշխատանքի և սոցիալական հարցերի նախարարության հոգածության ներքո
-
15:30
Իրանը կողմ է տարածաշրջանի համար շահավետ տրանսպորտային հաղորդակցությունների զարգացմանը, սակայն ոչ՝ միջազգային սահմանների փոփոխությանը
-
15:10
Պետք է միջոցներ ձեռնարկել Ադրբեջանի կողմից սպառնալիքները կասեցնելու համար. իսպանացի պատգամավորը Գորիսում է
-
14:54
Ադրբեջանի ԶՈՒ-ն կրակ է բացել Կութի հատվածում տեղակայված հայկական դիրքերի անձնակազմի համար սնունդ տեղափոխող մեքենայի ուղղությամբ
-
14:46
Մեր երկրները միևնույն մարտահրավերներն ունեն. կիպրոսցի խորհրդարանականը՝ Ալեն Սիմոնյանին
-
12:00
Ֆրանսիայի ԱԳ նախարարը կայցելի Հայաստան
-
11:30
Սամվել Շահրամանյանն ու մի խումբ պատասխանատուներ կմնան ԼՂ-ում՝ մինչև որոնողափրկարարական աշխատանքների ավարտը
-
11:03
ՄԱԿ-ի առաքելությունը շատ, շատ, շատ օգտակար է Արցախի անապատում. Ժան-Քրիստոֆ Բյուսոն
-
10:43
Ադրբեջանի փոխվարչապետն այսօր կմեկնի Ստեփանակերտ
-
10:07
Սենատոր Գարի Փիթերսը ներկայացրել է օրինագիծ, որն արգելում է ԱՄՆ օգնությունն Ադրբեջանին
-
09:38
Խումբն Արցախում կմնա` մինչև զոհվածների աճյունների ու անհետ կորածների որոնողափրկարարական աշխատանքների ավարտը. Թադևոսյան
-
20:26
Ժամը 18։00-ի դրությամբ ԼՂ-ից բռնի տեղահանված 100․480 անձ արդեն Հայաստանում է
-
19:54
Ադրբեջանի պաշտպանության նախարարությունն ապատեղեկատվություն է տարածել
-
15:25
Օդի ջերմաստիճանը կնվազի 7-10 աստիճանով, սպասվում է անձրև և ամպրոպ
-
13:16
Միացյալ Թագավորությունը 1 միլիոն ֆունտ ստեռլինգ կհատկացնի՝ աջակցելու Լեռնային Ղարաբաղից բռնի տեղահանվածներին
-
12:25
Հայաստան է ժամանել բռնի տեղահանված 100 հազար 417 արցախցի
օրվա
շաբաթվա
ամսվա
Խոնավություն՝ 41%
Քամի՝ 1,54 կմ/ժ