Թուրքիայում գործազրկության մակարդակն աճել է՝ հասնելով 11.3 տոկոսի

• 15.12.2016, 19:51
•  Տարածաշրջան,  Աշխարհ

Hürriyet Daily News

Թուրքիայում գործազրկության մակարդակը աճել է:

Ինչպես հաղորդում է Ermenihaber–ը՝ հղում կատարելով թուրքական «Haberler.com» լրատվակայքին Թուրքիայի վիճակագրական ընկերությունը զեկույց է հրապարակել 2016թ. սեպտեմբերի դրությամբ աշխատանքային ներուժի վիճակի վերաբերյալ:

Ըստ զեկույցի՝ անցյալ տարվա նույն ժամանակահատվածի համեմատ գործազրկությունը Թուրքիայում աճել է 1 միավորով՝ կազմելով 11.3 տոկոս: Ընդ որում, 15-24 տարեկանների շրջանում գործազրկությունն աճել է 1,4 միավորով՝ հասնելով 19.9 տոկոսի:

15 տարեկանից բարձր տարիքային խմբին պատկանող գործազուրկների թիվը ողջ երկրում կազմել է 3.523.000, ինչը 420.000-ով գերազանցում է նախորդ տարվա ցուցանիշը: